काठमाडौं । राष्ट्रिय जनमोर्चाले गण्डकी प्रदेश सरकारलाई दिँदै आएको समर्थन फिर्ता लिएको छ ।
जनमोर्चाले सरकारलाई दिएको समर्थन फिर्ता लिएपछि गण्डकी प्रदेश सरकार थप संकतमा परेका छ । बुधबार जनमोर्चाका अध्यक्ष चित्रबहादुर केसीले प्रेस वक्तव्य जारी गरेर प्रदेश सरकारलाई दिइएको समर्थन फिर्ता लिइएको घोषणा गरेका छन् ।
विज्ञप्तिमा मुख्यमन्त्री पृथ्वीसुब्बा गुरुङ विरुद्ध आउने अविश्वास प्रस्तावको पक्षमा मतदान गर्ने समेत जनमोर्चाले स्पष्ट पारेको छ ।
जनमोर्चाले केपी ओली नेतृत्वको संघिय सरकारलाई दिँदै आएको समर्थन फिर्ता लिए पनि गण्डकी प्रदेश सरकारलाई दिएको समर्थन भने फिर्ता लिएको थिएन । गण्डकी प्रदेशमा राष्ट्रिय जनमोर्चासँग तीन सांसद छन् ।
जनमोर्चाले बामपन्थी सरकारका पक्षमा जोड दिंदै प्रदेशमा माओवादी केन्द्र सहितको बामपन्थीको सरकार रहेका कारण समर्थन कायम राखिएको विज्ञप्तिमा उल्लेख गरेको छ ।
गण्डकी प्रदेश सरकारले ओलीको पक्षमा काम गरिरहेका कारण त्यसले प्रतिगमनलाई मद्दत पुग्ने उल्लेख गर्दै जनमोर्चाको विज्ञप्तिमा गण्डकी प्रदेश सरकारका विरुद्ध प्रतिपक्षबाट आउने अविश्वासको प्रस्तावलाई हाम्रो समर्थन हुने स्पष्ट पारेको छ ।
विज्ञप्तिमा अध्यक्ष केसीले वर्तमान सरकारको विपक्षमा मत रहेपनि आगामी सरकारमा भने जनमोर्चा सहभागी नहुने जनाएको छ ।
प्रतिक्रिया