स्वर्गद्वारी जाँदै गरेको गाडी प्यूठानको रूमालेमा दुर्घटना, २ जनाको मृत्यु

बुटवल । नयाँ वर्षको छुट्टी मनाउन गुल्मीबाट प्युठानको स्वर्गद्वारी जाँदै गरेको कर्मचारी सवार गाडी दुर्घटना हुँदा २ जनाको ज्यान गएको छ । जिल्ला प्रशासन कार्यालय गुल्मीका कर्मचारीहरु सवार लु १ ज १६५५ नम्बरको सार्वजानिक सवारी प्युठानको रुमाले भन्न स्थानमा दुर्घटना हुँदा दुईजनाको मृत्यु भएको जिल्ला प्रहरी कार्यालय प्युठानले जनाएको छ ।

प्रहरीका अनुसार दुर्घटनामा परि दुई जनाको घटना स्थलमै मृत्युु भएको छ भने कम्तीमा १२ जना घाइते भएका छन् । घाइतेहरुलाई भिंग्री स्थित स्वास्थ्य चौकीमा पठाईएको जिल्ला प्रहरी कार्यालय प्युठानका प्रहरी निरिक्षक देवी प्रसाद गैरेले बताए । अन्य केहिको अबस्था पनि गम्भीर रहेको उनले बताए ।

मृतकहरुको यो समाचार तयार पार्दा सम्म सनाखत हुन सकेको छैन ।