गुल्मी । गुल्मीमा बसको ठक्करबाट एक विद्यार्थीको ज्यान गएको छ । याुत्रबहाक बसले मोटरसाइकललाई ठक्कर दिँदा एक विद्यार्थीको ज्यान गएको हो ।
मृत्युहुनेमा रेसुङ्गा नगरपालिका–४ सेउघाका १९ वर्षीय विवेक झाँक्री मगर रहेका जिल्ला प्रहरी कार्यालय गुल्मीले जनाएको छ ।
आज बिहान आफु अध्ययनरत सदरमुकाम तम्घासमा रहेको विद्यालयबाट घर जाने क्रममा तम्घास आउँदै गरेको लु १ ख ९४७५ नम्बरको बसले तम्घारबाट जाँदै गरेका लु ८७ प ९८१ नम्बरको मोटरसाइकललाई े रेसुङ्गा–४ अर्खलेमा ठक्कर दिएको थियो ।
बसको ठक्करबाट गम्भीर घाइते भएका मगरको उपचारका क्रममा गुल्मी अस्पताल तम्घासमा ज्यान गएको गुल्मीका प्रहरी उपरीक्षक नविन किशोर प्रधानले जानकारी दिए ।
प्रहरीका अनुसार तम्घासको महेन्द्र नमूना माध्यमिक विद्यालयमा कक्षा १२ मा अध्ययनरत मगर बिहानको पढाइ सकेर घर जाँदै थिए। दुर्घटनापछि ठक्कर दिने बसका चालकलाई प्रहरीले नियन्त्रणमा लिएको छ ।
प्रतिक्रिया