गुल्मीको ठूलो लुम्पेकमा भीरबाट टेम्पो खस्यो, १ जनाको मृत्यु, ४ घाईते

बुटवल । गुल्मीबाट स्वर्गद्वारी दर्शनका लागि गएका राष्ट्रसेवक कर्मचारीहरुको सवारी दुर्घटनामा मृत्यु भएको खबर सेलाउन नपाउँदै गुल्मीकै सत्यवतीमा टेम्पो दुर्घटना हुँदा एक जना सर्वसाधारणको मृत्यु भएको छ ।

नयाँवर्षको अवसर पारेर स्थानीय सत्यवती मन्दिर दर्शन गरेर फर्कने क्रममा ठूलो लुम्पेकका भिरबाट टेम्पो खस्दा १ जनाको मृत्यु भएको छ भने ४ जना गम्भिर घाईते भएका छन् । ठुलोलुम्पेकमा लु २ स ००९९ नम्बरको टेम्पो दुर्घटना हुँदा स्थानीय २८ बर्षिया तारा राहदीको ज्यान गएको हाृ ।

दुर्घटनामा परी एक बच्चासहित चारजना गम्भिर घाइते भएका छन् । घाइतेको अवस्था गम्भिर भएकोले पहिचान खुल्न सकेको छैन।

बुधबार करिब १ः४५ बजे क्वाङखोलामा टेम्पो दुर्घटनामा परेको हो । टेम्पो भिरबाट खस्न थालेपछि चालक टेम्पो छाडेर फरार भएको प्रत्यक्षदर्शीले बताएका छन् ।