सुर्खेत । कर्णाली प्रदेशका मुख्यमन्त्री महेन्द्रबहादुर शाहीले विश्वासको मत मागेका छन् ।
प्रदेशसभा बैठकलाई सम्बोधन गर्दै मुख्यमन्त्री शाहीले आफ्नो सरकारलाई विश्वासको मत दिन प्रदेशसभा सदस्यहरुलार्य आग्रह गरेका छन् ।
शाहीले आफु पाँच वर्षका लागि निर्वाचित भएपनि एमालेले समर्थन फिर्ता लिएका कारण पुनः विश्वासका मत लिन उपस्थित भएको बताए । शाहीले भने ‘त्यसकारण संवैधानिक व्यवस्था अनुरुप सदनबाट विश्वासको मत लिनुपर्ने व्यवस्थाअनुसार यो अवस्थामा उभिएका छौं ।’
त्यसक्रममा मुख्यमन्त्री शाहीले आफ्नो नेतृत्वमा प्रदेश सरकार गठनभएपश्चात ५८७ वटा जनपक्षीय निर्णय गरेको स्मरण गरे । उनले आफ्नो सरकारले प्रदेशको आर्थिक विकास र समृद्धिका लागि धेरै काम गरेको जिकिर गरे । शाहीले कर्णालीको प्रतिपक्ष भनेको रोग, भोक र अविकास भएको बताए ।
सभामुखसहित २० सदस्य रहेको एमालेले भने मुख्यमन्त्री शाहीलाई विश्वासको मत नदिन आफ्ना सांसदहरुलाई ह्वीप लगाइसकेको छ ।
प्रतिक्रिया