काठमाडौं । कर्णाली प्रदेशका मुख्य मन्त्री महेन्द्र बहादुर शाहीले मागेको संसदको समर्थनको पक्षमा फ्लोर क्रस गरेर मत दिने एमालेका ४ सांसदलाई पार्टीको साधारण सदस्य समेत नरहने गरि कारवाहीको सिफारिस गरिएको छ । संसद बैठकमा मुख्यमन्त्रीले समर्थन प्राप्त भए लगत्तै बसेको एमाले संसदीयदलको बैठकले उनीहरुलाई साधारण सदस्य समेत नरहने गरि कारवाही गर्ने सिफारिस गरेको हो ।
शुक्रबार संसद बैठकमा मुख्यमन्त्री शाहीले संसदको समर्थन माग गरेको मा एमाले सांसदहरु प्रकाश ज्वाला, अमर थापा, कुर्मराज शाही र नन्दसिङ बुढाले एमाले संसदीयदलको ह्वीप क्रस गर्दै शाहीको समर्थनमा मत दिएका थिए ।
दलको आकस्मिक बैठकले ४ सांसदको पार्टी साधारण सदस्य नरहने गरि हटाउने निर्णय गरेको एमाले संसदीयदलमा ओली पक्षका एक सांसदले बताए ।
प्रतिक्रिया