काठमाडौं । कर्णाली प्रदेशका नवनियुक्त मन्त्रीहरुलाई पद तथा गोपनियताको सपथ खुवाउने तयारी गरिएको छ ।
आइतबार नै तीनजना मन्त्रीहरुलाई शपथ खुवाउने तयारी गरिएको हो ।
मुख्यमन्त्री महेन्द्रबहादुर शाहीले शनिबार नेकपा एमाले माधव नेपाल समूहका नन्दसिंह बुढालाई भूमि व्यवस्था, कृषि तथा सहकारी, अमरबहादुर थापालाई भौतिक पूर्वाधार विकास र कुर्मराज शाहीलाई उद्योग, पर्यटन, वन तथा वातावरण मन्त्रीमा नियुक्त गरेका थिए ।
मुख्यमन्त्री शाहीको पक्षमा विश्वासको मत दिएपछि उनीहरुले मन्त्री उपहार पाएका हुन । पार्टी ह्वीप उल्लंघन गरेपछि एमालेले उनीहरुलाई कारबाही गरिसकेको छ ।
मुख्यमन्त्री शाहीले उनीहरुलाई मन्त्री नियुक्त गरेपनि एमालेले भने तीनैजनालाई पार्टी र सांसद पदबाटै हटाएको छ । एमालेले उनीहरुलाई पार्टीको साधारण सदस्य समेत नरहने गरी हटाएको हो ।
यस्तै पार्टी ह्वीप उल्लंघन गरेको र दल त्याग गरेकोमा उनीहरुको सांसद पद समेत खारेज हुने गरी कारबाही गरेको छ ।
प्रतिक्रिया