काठमाडौं । नेकपा एमालेका अध्यक्ष तथा प्रधानमन्त्री केपी शर्मा ओलीले पार्टीका वरिष्ठ नेता माधवकुमार नेपाल सहितको नेताहरुलाई कडा कारवाही गरिने चेतावनी दिएका छन् ।
अध्यक्ष ओलीले कर्णाली प्रदेशमा आफ्नै पार्टीविरुद्ध बेइमानी गरेर अक्षम्य अपराध गरेको बताउँदै नेपाल सहितका नेताहरुले कडा कारवाही गर्ने चेतावनी दिएका हुन् ।
प्रधानमन्त्री ओलीले बालुवाटारमा आयोजित पार्टीको महाधिवेशन आयोजक समितिको बैठकमा सम्बोधन अध्यक्ष ओलीले कर्णाली प्रदेशमा फ्ला्र क्रस गरेर माधव नेपालले अलोकतान्त्रिक, गैरसंसदीय, अराजक हर्कत गरेको आरोप लगाए । ‘अराजक, अस्थिर, अत्यन्त घातक, कम्युनिस्ट अन्दोलनलाई खाडलमा हाल्ने प्रवृत्तिविरुद्ध पार्टीले कडाभन्दा कडा कारबाही गर्नेछ ।’ एमाले अध्यक्ष ओलीले भने ।
शुक्रबार कर्णाली प्रदेशका माओवादी मुख्यमन्त्री महेन्द्रबहादुर शाहीले प्रदेशसभामा मागेको समर्थनमा पार्टीको् ह्विप उल्लँघन गर्दै एमालेकै नेपालपक्षीय सांसदहरुले मुख्यमन्त्रीलाई मत दिएपछि मुख्यमन्त्रीको पद जोगिएको थियो ।
बैठकमा ओलीले भारतीय खुफिया एजेन्सी रअका प्रमुखसँग सहमति गरेको भन्ने झुठो हल्ला मच्चाएर माअेवादी अध्यक्ष प्रचण्डले आफ्नाविरुद्ध दुष्प्रचार गरेको आरोप लगाए।
प्रतिक्रिया