अमेरिकामा काला जातिका पुरुषलाई घाँटी अँठ्याएर हत्या गरेको अभियोग लागेका एक गोरा प्रहरी अधिकारी दोषी ठहर भएका छन् ।
अमेरिकाको मिनिसोटामा अश्वेत पुरुष जर्ज फ्लोइडलाई २०२० मे २५ मा गोरा प्रहरी अधिकारी डेरेक सोभिनले ८ मिनेटसम्म घाँटी अँठ्याएका थिए । त्यसपछि फ्लाइडको मृत्यु भएको थियो ।
गए राति मिनिसोटाको एक अदालतले सोभिनलाई दोषी ठहर गरेको हो । अदालतको आदेश लगत्तै सोभिनलाई हतकडी लगाइएको थियो। उनलाई ४१ वर्षसम्म कैद हुन सक्छ। अभियोग पुष्टि हुनुअघि उनी जमानतमा रहेका थिए ।
नक्कली २० डलरको नोटले सामान किन्न लागेको अभियोगमा प्रहरीले समाप्दा घाँटी अँठ्याएका थिए ।
फ्योडको मृत्युपछि अमेरिकाभरि काला जाति विरुद्ध अत्याचार बढेको भन्दै कैयौं शहरमा प्रदर्शन भएका थिए । सो हत्याको विरोधमा पूर्व राष्ट्रपति बराक ओवामा, विल क्लिन्टन लगायत कैयौं वरिष्ठ व्यक्तिहरुले समेत निन्दा गरेका थिए ।
प्रतिक्रिया