काठमाडौं । आफुहरुमाथि अध्यक्ष केपी शर्मा ओलीले गर्नलागेको कारवाही रोकिपाउँ भन्दै नेकपा एमालेका माधव नेपाल पक्षीय नेताहरुले सर्वोच्च अदालतमा बुझाएको रिट निवेदन दर्ता भएको छ ।
नेताहरु माधवकुमार नेपाल, भीम रावल, घनश्याम भुसाल र सुरेन्द्र पाण्डेले सर्वोच्चलाई प्रतिषेधको आदेश जारी गरीपाऊँ भन्दै बुधबार दिएका थिए । निर्वाचित सांसदमाथि कारबाही गर्न लागिएको भन्दै सर्वोच्चमा दिएको निवेदन बिहीबार दर्ता भएको हो । यो निवेदनमाथि आइतबारका लागि पेशी तोकिएको छ ।
निवेदनमा २०७५ जेठ २ गतेअघिकै नेकपा ९एमाले० ब्युँताउन माग गरिएको छ । रिट निवेदकहरुले सर्वोच्चको २०७७ फागुन २३ गतेको आदेश कार्यान्वयन गरिपाऊँ भन्ने माग समेत गरेका छन् ।
यही बैशाख ७ गते अध्यक्ष एवं संसदीय दलका नेता केपी शर्मा ओलीले नेता नेपाल र खनालसहित २७ जना सांसदलाई कारवाही गर्ने उद्देश्यले स्पष्टीकरण सोधेपछि नेपालपक्षीय नेताहरु सर्वोच्चको शरणमा पुगेका हुन् ।
निवेदनमा एमाले अध्यक्ष एवं संसदीय दलका नेता केपी शर्मा ओली, महासचिव ईश्वर पोखरेल, निर्वाचन आयोग र सभामुख अग्निप्रसाद सापकोटालाई विपक्षी बनाइएको छ ।
[pdf-embedder url=”http://3.0.214.97/wp-content/uploads/2021/04/uml-nepal-writ-supreme.pdf”]
प्रतिक्रिया