एजेन्सी । अफगानिस्तानमा कार बम विस्फोट हुँदा विद्यार्थीसहित ३० जनाको मृत्यु भएको छ ।
लोगर प्रान्तको राजधानी पुल ए आलमस्थित एक गेस्टहाउस नजिक शुक्रबार राति बम बिस्फोट हुँदा उनीहरुको ज्यान गएको स्थानीय अधिकारीहरुलाई उदृत गर्दै बीबीसीले जनाएको छ ।
बिस्फोटमा ९० जना घाइते भएका छन् । प्रत्यक्षदर्शीहरुका अनुसार बिस्फोटले भवनको छाना खस्दा घाइतेहरु भवन भित्र फँसेका थिए ।
इस्लामिक पवित्र महिना रमादान चलिरहेको बेला भएको यो विस्फोटको जिम्मा अहिलेसम्म कसैले लिएको छैन ।
अमेरिकी राष्ट्रपति जो बाइडेनले आउँदो सेप्टेम्बर ११ सम्ममा आफ्ना सैनिक फिर्ता बोलाउने घोषणा गरेसँगै अफगानिस्तानमा हिंसाका घटनाहरु बढेको बिबिसीले जनाएको छ ।
प्रतिक्रिया