महामारीको समयमा सरकार जिम्मेवारीबाट पन्छिन पाउँदैन : चिकित्सक संघ

खबर कुरा
१८ बैशाख २०७८, शनिबार
                 

काठमाडौं । नेपाल चिकित्सक संघले महामारीको बेलामा सरकार र स्वास्थ्य मन्त्रालय जिम्मेवारीबाट पन्छिन नपाउने जनाएको छ ।

चिकित्सक संघले शनिबार एक विज्ञप्ति जारी गर्दै जनताको स्वास्थ्यको जिम्मेवारी सरकारको भएको हुँदा कोभिड महामारीमा नेपाल सरकार, स्वास्थ्य मन्त्रालय आप्mनो दायित्वबाट पन्छिन नमिल्ने ठहर गरेको हो ।

संघले महामारीसँग जुध्न सीमित संख्यामा रहेका अग्रपंक्तिका चिकित्सक तथा स्वास्थ्यकर्मीहरुलाई कोभिड बिरुद्धको खोप समयमा नै दिई सुरक्षित बनाई तदारुकताका साथ अगाडि बढाउन आग्रह गरेको छ ।

संक्रमितहरुको उपचारको क्रममा चिकित्सकतथा स्वास्थ्यकर्मीहरु स्वयम् नै संक्रमित हुँदै गईरहेको भन्दै संघले उनीहरुलाई महामारीको अन्त्यसम्म उपचार दिन सक्ने वातावरण तथाज नशक्तिको उचित ब्यवस्थापन गर्न पनि माग गरेको छ । यस्तै महामारी रोकथाम तथा उपचारका लागि विगतमा झैं नेपाल सरकार, स्वास्थ्य तथा जनसंख्यामन्त्रालयलाई आवश्यक सहयोग र सहकार्य गर्न सँधै तत्पर रहेको समेत चिकित्सक संघले जनाएको छ ।

 

यसमा तपाइको मत

Your email address will not be published.


*