बारा । कोरोना संक्रमणका कारण बाराका थप दुई जनाको उपचारको क्रममा मंगलबार मृत्यु भएको छ ।
कोरोना संक्रमणका कारण बाराको फेटा गाउँपालिका-२ निवासी ३५ वर्षका युवक र जीतपुर सिमरा उपमहानगरपालिका-२१ अम्लेखगन्जका ५९ वर्षका पुरुषको मृत्यु भएको बाराका प्रहरी प्रवक्ता एवं प्रहरी नायब उपरीक्षक गौतम मिश्रले जानकारी दिए ।
दुबै जनाको उपचारको क्रममा मंगलबार मृत्यु भएको हो । ३५ वर्षका युवकको वीरगञ्जस्थित नेशनल मेडिकल कलेजले सञ्चालन गरेको बाबा होटेलको आइसोलेशनमा दिउँसो २ बजे मृत्यु भएको हो ।
यस्तै अमलेखगञ्जका ५९ वर्षका पुरुषको उपचारको क्रममा हेटौंडा अस्पतालमा गएराती १२ बजेर ५० मिनेटमा मृत्यु भएको हो ।
प्रतिक्रिया