काठमाडौं । प्रतिनिधिसभाका नवनिर्वाचित सांसदहरूले शपथ ग्रहण गरेका छन् । सिंहदरबारस्थित संसद्को बहुउद्देश्यीय सभाकक्षमा आयोजित सभामा उनीहरूले शपथ लिएका हुन् ।
प्रतिनिधिसभाका ज्येष्ठ सदस्य अर्जुननरसिंह केसीले पद तथा गोपनीयताको शपथ गराएका हुन् । शपथग्रहणका लागि प्रस्तावित प्रधानमन्त्री बालेनन्द्र शाह किराती संस्कृतिमा आधारित सिलाम सक्मा लगाएर बैठक प्रवेश गरेका थिए भने सांसदहरु बिबिध जातिय पहिरणका साथ बैठक कक्षमा पुगेका थिए ।
संसद् सचिवालयका अनुसार ६३ जना सांसदले नेपाली बाहेकको मातृभाषामा शपथ लिएका छन् । सांसदहरू आ–आफ्नै मातृभाष अनुसारको भेषभूषामा शपथका लागि सिंहदरबार पुगेका छन् ।
सांसदहरुको शपथ ग्रहण समारोहमा राष्ट्रियधुन बजेपनि यसपटक शहिदहरुको स्मरणमा मौनधारण गरिएन । जेष्ठ सदस्य अर्जुननरसिंह केसीले निर्धारित शपथका वाक्यहरु पढ्नु बाहेक अरु कुनै सम्बोधन गरेनन् ।
प्रतिक्रिया