काठमाडौँ । महानगरीय ट्राफिक प्रहरी महाशाखाले यात्रुसँग बढि भाडा लिने एक जना यातायात कर्मचारीलाई गंगबु बसपार्कबाट पक्राउ गरेको छ ।
महामारीका बेला गलत फाईदा उठाउँदै ९ सय भाडा दर कायम रहेको काठमाडौंबाट बागलुङ पुग्ने यात्रीसँग ४ हजार सम्म भाडा असल्ने एकजनालाई ट्राफिक प्रहरी महाशाखाले पक्राउ गरेको हो ।
कोरोना महामारीको संक्रमण रोकथाम तथा नियन्त्रणको लागी कडाईका साथ चेकजाँचमा खटिएको ट्राफिक प्रहरीले छड्के अनुगमनका क्रममा गंगबु नयाबसपार्कबाट स्याङ्जा चापकोट ७ घर भई मित्रनगर बस्ने बाग्लुङ्ग भगवती प्रा.लिको काउण्टरका कर्मचारी मिलन सारुलाई पक्राउ गरेको महाशाखाले जनाएको छ ।
काठमाण्डौं देखि बाग्लुङ्गसम्म जाने नियमति भाडा नौ सय भएकोमा निजले तीन हजार देखि चार हजारसम्म लिएको पाइएपछि कर्मचारीलाई नियन्त्रणमा लिएको महाशाखा प्रमुख एसएसपी जनक भट्टराईले जानकारी दिए ।
पक्राउ परेका सारुले बैदेशिक रोजगारबाट घर फर्किन लागेका दस जना यात्रुबाट बाग्लुङ्गसम्म जान बढि भाडा लिएको पाइएको महाशाखाले जानकारी दिएको छ । पक्राउ परेका मिलनलाई आबश्यक कारबाहीको लागी महानगरीय प्रहरी प्रभाग, बसपार्कमा बुझाईएको छ ।
प्रतिक्रिया