पत्रकारहरुका लागि प्रेस चौतारी रुपन्दहीद्धारा स्वास्थ्य सामग्री वितरण

खबर कुरा
२३ बैशाख २०७८, बिहीबार
                 

बुटवल । प्रेस चौतारी रुपन्देहीले आफ्ना सदस्यहरुका लागि मास्क तथा सेनिटाइजर वितरण गरेको छ ।

समाचार संकलनमा खटिएका प्रेस चौतारीका सदस्यहरुलाई स्वास्थ्य सामग्री वितरण गर्ने कार्यक्रम अन्तरगत दोश्रो चरणमा सैनामैना नगर क्षेत्रमा खटिएका पत्रकार तथा सञ्चारकर्मिहरुलाइ मास्क सेनिटाईजर लगायतका स्वास्थ्य सामाग्री वितरण गरेको हो ।

सोही अभियान अन्तरगत बुधवार भैरहवा क्षेत्रमा कार्यरत प्रेस चौतारीका सदस्य पत्रकारहरुका लागि मास्क लगायतका स्वास्थ्य सामाग्री वितरण गरिएको थियो ।

प्रेस चौतारी नेपाल रुपन्देहीले जिल्लाका सबै पालिकामा रहेर समाचार संकलन गरि रहेका पत्रकारहरुलाई मास्क सेनिटाईजर लगायतका स्वास्थ्य सामग्री उपलब्ध गराउने कार्यक्रम रहेको प्रेस चौतारी रुपन्देहीका अध्यक्ष अमृत गिरिले बताए ।

हामीले बुधवार र बिहिवार गरेर भैरहवा क्षेत्र र सैनामैना क्षेत्रका सदस्यहरुलाई उपलब्ध गरायौं शुक्रबार देवदह र तिलोत्तमा क्षेत्रका चौतारी आवद्ध पत्रकारहरुलाई वितरण गरिने छ । त्यसपछि मात्रै बुटवलका सदस्यहरुलाइ वितरण गरीने छ । गिरीले भने ।

प्रेस चौतारीले सम्पुर्ण सन्चारकर्मीहरुलाई सकेसम्म घरमै बसेर वैकल्पिक उपायको खोजि गरी फोन र इमेलका माध्यमबाट समाचार संकलन गर्न र फिल्डमै जान परे अत्यन्त सावधानिका साथ स्वास्थ्य सामग्रीहरुको प्रयोग गरेर मात्र जानका लागि समेत आग्रह गरेको छ ।

चौतारीले आम सबर्वसाधारणलाई समेत कोभिड-१९ को बढदो जोखिमबाट बच्नका लागि संघिय सरकार र स्थानिय सरकारहरुले जारी गरेको निर्देशिका र निषेधाज्ञाको पालना गरेर सुरक्षित साथ घरमै बस्न आग्रह गरेको छ ।

यसमा तपाइको मत

Your email address will not be published. Required fields are marked *


*