काठमाडौं । गण्डकी प्रदेशमा तीन दिनभित्र नयाँ सरकार गठन गर्न प्रदेश प्रमुखले आह्वान गरेकी छिन् ।
धारा १६८ को उपधारा २ बमोजिम ३ दिनभित्र नयाँ सरकार गठन गर्न प्रदेश प्रमुख सीता पौडेलले आग्रह गरेको प्रवक्ता चण्डी प्रसाद अर्यालले विज्ञप्तिमार्फत जनाएका छन् ।
प्रदेश प्रमुख पौडेलले यसअघि मुख्यमन्त्री पृथ्वीसुब्बा गुरुङको राजीनामा स्वीकृत गर्दै धारा १६९ को उपधारा ३ बमोजिम अर्को सरकार गठन नभएसम्मका लागि मौजुदा मन्त्रिपरिषद्लाई नै कार्य गर्ने जनाएकी छिन् ।
गण्डकी प्रदेशसभामा मुख्यमन्त्री गुरुङ विरुद्ध भोलि अविश्वासको प्रस्तावमाथि छलफल हुने कार्यसूचि रहेको थियो ।
प्रतिक्रिया