केपी ओलीले आजै प्रधानमन्त्रीको सपथ खाने, माधव नेपाल पक्षका चार जना मन्त्री बन्दै !

खबर कुरा
३० बैशाख २०७८, बिहीबार
                 

काठमाडौं । विपक्षी गठबन्धनले सरकार बनाउनका लागि घनिभुत प्रयास गरेपनि आवश्यक संख्या नपुग्ने भएपछि प्रधानमन्त्री केपी शर्मा ओलीले नै पुनः प्रधानमन्त्रीमा नियुक्त गर्ने तयारी गरिएको छ । प्रधानमन्त्री नियुक्त भएसँगै आजै ओलीले प्रधानमन्त्रीको सपथ खाने गरि तयारी गरिएको बताईएको छ ।

राष्ट्रपति निवास शितलनिवासमा सपथका लागि तयारी सुरु गरिएको स्रोतले बताएको छ । स्रोतका अनुसार अबको केही घन्टामा नै प्रधानमन्त्री ओलीले फेरि प्रधानमन्त्रीको रुपमा सपथ लिनेछन् ।

यसअघि संसदमा विश्वासको मत पाउन नसकेपछि राष्ट्रपति विद्यादेवी भण्डारीले संविधानमो धारा ७६(२) बमोजिम नयाँ सरकार गठनका लागि आह्वान गरेकी थिइन् । नेपाली कांग्रेसका सभापति शेरबहादुर देउवालाई प्रधानमन्त्री बनाउने गरि कांग्रेस, माओवादी केन्द्र र जसपाको उमेन्द्र बाबुराम पक्षले तयारी गरेपनि जसपाको महन्त(महतो पक्षले साथ नदिएपछि कामचलाउ बनेका प्रधानमन्त्री केपी ओली पुनः प्रधानमन्त्रीमा नियुक्त हुन थालेका हुन् ।

संसदमा विश्वासको मत पाउन नसकेपछि नेकपा एमालेमा माधवकुमार नेपाल पक्षसँग वार्तालाई तीव्र बनाएको ओली पक्षले अन्ततः माधवकुमार नेपालसँग आज साँझ सहमति गरेका थिए । ‘आजै माधव नेपाल पक्षधर चार नेता मन्त्री हुँदैछन्,’ स्रोतको दाबी छ, ‘सबैलाई सपथ खुवाउने तयारी भइसकेको छ ।’

आज प्रधानमन्त्रीका रुपमा सपथ लिए पनि प्रधानमन्त्री केपी शर्मा ओलीले ३० दिनपछि संसदमा विश्वासको मत लिनु पर्ने छ । एमाले विभाजित हुनबाट रोकियो र जसपाका महन्थ ठाकुर पक्षले सहयोग गरेको खण्डमा प्रधानमन्त्री ओलीलाई संसदमा बहुमत पुग्ने छ ।

ओलीको निरन्तरताका पक्षमा रहेका महन्त पक्षका सांसदहरुलाई राती ९ बजेसम्म सुरक्षित बनाउन महन्त पक्षले भक्तपुर स्थित एम रिसोर्टमा लगेर राखेका छन् ।

यसमा तपाइको मत

Your email address will not be published. Required fields are marked *


*