काठमाडौं । एमालेमा चुलिएको बिबाद मिलाउने प्रयास स्वरुप प्रधानमन्त्री केपी ओली र बरिष्ठ नेता माधव कुमार नेपाल सहितको बैठक सकिएको छ । बैठकमा नेपाल पक्षले उठाउँदै आएको पार्टीको संगठनलाई २०७५ जेठ २ को अवस्थामा लैजाने बिषयमा ओली पक्ष सहमत भएको बताईएको छ ।
प्रधानमन्त्रीको कार्यालय सिंहदरवारमा शुक्रबार बेलुका बसेको बैठकमा एमालेका पार्टी संरचनाहरु २०७५ जेठ २ कै अवस्थाबाट ब्युँताउने र त्यसको प्राविधिक विषय पुरा गर्नका लागि कार्यदल बनाउने निर्णय भएको बैठकमा सहभागी एक नेताले बताए ।
कार्यदल निर्माण गर्ने जिम्मेवारी भने अध्यक्ष ओली र वरिष्ठ नेता नेपाललाई दिइएको छ।
भोली दुवै नेताहरु बसेर कार्यदलका सदस्यहरुको नाम टुंगो लगाउने निर्णय भएको बैठकमा सहभागी नेपाल पक्षका नेता घनश्याम भुसालले बताए ।
प्रतिक्रिया