उद्योग बाणिज्य संघका महासचिव भन्छन् – स्थानीय प्रशासनको लकडाउन ‘ल्याङ्गल्याङ्गे’

खबर कुरा
१ जेष्ठ २०७८, शनिबार
                 

नेपालगन्ज । स्वास्थ्य सुरक्षा अपनाएर ब्यापार व्यवसाय सुचारु गर्न र जारी लकडाउनलाई नरम बनाउन ब्यवसायीहरुको माग आईरहेका बेला नेपालगन्ज उद्योग बाणिज्य संघका महासचिव चिरन्जिवी ओलीले भने स्थानीय प्रशासनको लकडाउनलाई ‘ल्याङ्गल्याङ्गे’ लकडाउनको संज्ञा दिएका छन् । उनले आज सामाजिक सञ्जालमा स्टाटस पोष्ट गर्दै हप्ता दश दिन पूर्णरुपमा ठप्प हुने गरि लकडाउन गर्न माग गर्दै ‘ल्याङ्गल्याङ्गे’ लकडाउनको अर्थ नरेको बताएका छन् ।

महासचिव ओलीले हप्ता दस दिन पूर्ण रूपमा ठप्प हुने गरी लकडाउन गर्न र त्यसपछी बजारलाई साबधानीका साथ पूर्ण स्वास्थ्य मापदण्ड पालन गर्ने गरी बिस्तारै चलायमान गर्ने योजना बनाउनु पर्ने सुझाव समेत दिएका छन् । ‘संक्रमित दर र मृत्यु दर हेर्दा यो ल्याङ्ग ल्याङ्गे लक डाउन जति थप्दै गयपनी खासै तात्विक असर परेको जस्तो लाग्दैन ।’ उनले भनेका छन् , ‘अहिलेको लकडाउन वा लामो समयको लक डाउनले अर्थतन्त्र ध्वस्त हुदैजान्छ ।’

ओलीले लकडाउनले कोरोनाको ‘चेनब्रेक’ भयको छ त ? भनेर प्रश्न समेत गरेका छन् । चेन ब्रेक पछि बजार चलायमान जरूरी भएको उनको भनाई छ ।

कोरोना संक्रमणको दोस्रो लहरले बिकरालरुप लिँदै गएपछि नेपालमा बाँकेको नेपालगन्ज उपमहानगरबाट पहिलो निषेधाज्ञाको सृङ्खला सुरु भएको थियो । बैशाखको पहिलो साता नेपालगन्ज उपमहानगरबाट सुरु भएको निषेत्राज्ञा बैशाख १३ गतेबाट बाँके जिल्लाभरी हुँदै अहिले मुलुकका ७३ जिल्लामा जारी छ ।

यसमा तपाइको मत

Your email address will not be published. Required fields are marked *


*