लुम्बिनी प्रदेशसभाका जसपा सांसदलाई पदमुक्त नगर्न सर्वोच्चको अन्तरिम आदेश

काठमाडौं । जनता समाजवादी पार्टीका ४ सांसदलाई पदमुक्त गर्ने निर्णय कार्यान्वयन नगर्न सर्वोच्च अदालतले अल्पकालीन अन्तरिम आदेश दिएको छ ।

लुम्बिनी प्रदेशसभाका सभामुखको निर्णय कार्यान्वयन नगर्न सर्वोच्चले आदेश दिएको हो । सोमबार न्यायाधीस नहकुल सुवेदीको एकल इजलासले यस्तो आदेश दिएको हो ।

जसपा केन्द्रीय कार्यकारिणीको बहुमत हस्ताक्षरसहित चार सांसदलाई दल त्यागको कार्वाही गर्न प्रदेशसभामा निवेदन परेपछि सचिवालयले उनीहरूलाई पदमुक्त भएको घोषणा गरेको थियो ।

जसपाका सांसदहरु सन्तोषकुमार पाण्डेयसहितका चारै जना हाल प्रदेश सरकारका मन्त्री रहेका छन् ।