पार्टीको अनुशासन नमान्नेहरुसँग हिसावकिताव हुनै पर्छ : प्रधानमन्त्री ओली

काठमाडौं । नेकपा एमालेका तथा प्रधानमन्त्री अध्यक्ष केपी शर्मा ओलीले नेपाल समूहले बादललाई भोट नहालेर गम्भीर अपराध गरेको भन्दै माधव समूहसँग हिसावकिताव हुने बताएका छन् ।

शुक्रबार प्रधानमन्त्रीले बालुवाटारमा गरेको पत्रकार सम्मेलनमा बोल्दै वरिष्ठ नेता माधवकुमार नेपाल समूहप्रति कारबाहीको संकेत गरे । उनले पार्टीले उठाएका उम्मेदवारलाई हराउने, सरकार ढाल्न सक्रिय हुने अनुशासनहिन गतिविधिलाई एमालेले माफ नगर्ने चेतावनी दिएका हुन् ।

‘पार्टी अनुशासनहिनता र फोहोरी मैदान अब हुँदैन ।’ उनले भने, ‘पार्टी सिद्धान्त निष्ठ र संगठित सक्रिय संस्थाको रूपमा एमाले अघि बढ्छ ।’ नेपाल समूहले लोकतान्त्रिक र राजनीतिक आचरण प्रस्तुत नगरेको ओलीले आरोप लगाए ।

प्रधानमन्त्री ओलीले बिहीबार सम्पन्न बागमती प्रदेशतर्फको राष्ट्रियसभा सदस्यको निर्वाचनमा नेपाल समूहले गम्भीर धोका दिएको पनि बताए ।