काठमाडौं । राष्ट्रपतिले दिएको समयसीमाभित्र विपक्षी गठबन्धनले नयाँ सरकारको दाबी पेश गर्नेभएका छन् । वैकल्पिक सरकार दाबी पेशका लागि दलहरुले आआफ्ना सांसदहरुको हस्ताक्षर संकलन गरेका छन् ।
राष्ट्रपतिले हिजो संविधानको धारा ७६ को उपधारा ५ अनुसार वैकल्पिक सरकार गठनको आह्वान गरेकी थिइन । सोही धारा अनुसार विपक्षी नेपाली कांग्रेस, माओवादी केन्द्र, जनता समाजवादी पार्टीको उपेन्द्र यादव पक्ष र एमालेको माधव नेपाल पक्ष समेतको हस्ताक्षरसहित नयाँ सरकारको दाबी पेश हुने बताइएको छ ।
दाबी पेशका लागि सांसदहरुको हस्ताक्षर संकलन सकिएको सिंहदरबारमा बसेको नेकपा माओवादीको स्थायी समिति बैठकपछि एक नेताले बताए ।
वैकल्पिक सरकारका लागि माधवकुमार नेपाल पक्षका २५ जना भन्दा बढी सांसदहरुले हस्ताक्षर गरिसकेको स्रोतले जनाएको छ । नेपाल पक्षका सांसदहरु यतिबेला संसद सचिवालयको लेखा समितिको सभाकक्षमा भेला भएका छन् ।
सबै दलहरुको हस्ताक्षर संकलन पछि दिउँसो ३ बजे कांग्रेस संसदीय दलको कार्यालयमा दलहरुको संयुक्त बैठक बस्ने भएको छ । त्यसलगत्तै शितल निवास पुगेर वैकल्पिक सरकारको दाबी पेश हुने ती माओवादी नेताले बताए ।
प्रतिक्रिया