काठमाडौं । प्रधानमन्त्री एवं एमाले अध्यक्ष केपी शर्मा ओलीले पनि प्रधानमन्त्रीमा दाबी पेश गरेका छन् ।
ओलीले एमालेका १२१ सांसद र जसपाका १६ सांसदहरुको हस्ताक्षरसहित प्रधानमन्त्रीमा दाबी पेश गर्न राष्ट्रपति कार्यालय शितल निवास गएका छन् ।
ओलीले १२१ जना एमाले सांसदहरुको हस्ताक्षर बुझाए पनि माधवकुमार नेपालसहित २७ जना एमाले नेताहरुले भने विपक्षी गठबन्धनलाई समर्थन गरेका छन् । त्यस्तै जसपाको उपेन्द्र यादव पक्ष विपक्षी गठबन्धनमा रहेको छ ।
कांग्रेस सभापति शेरबहादुर देउवालाई प्रधानमन्त्रीमा दाबी पेश गर्न विपक्षी नेताहरु राष्ट्रपति कार्यालयकै बैठक कक्षमा कुरेर बसिरहेका छन् ।
ओलीले आफ्नो दाबी पेश गरेर शितल निवासबाट बाहिरिएका छन् ।
प्रतिक्रिया