पोखरा । शुक्रबार गण्डकी प्रदेशमा १०५३ जना कोराना भाइरस कोभिड-१९ का नयाँ संक्रमित थपिएका छन् ।
प्रदेश स्वास्थ्य निर्देशनालयका अनुसार पछिल्लो २४ घण्टामा गण्डकी प्रदेशका २ हजार ६७ जनामा गरिएको नमुना परीक्षणमा थप १ हजार ५३ को रिपोर्ट कोरोना संक्रमण पुष्टि भएको हो ।
आज पुष्टि भएका संक्रमित प्रदेशका नौ जिल्लाका छन् । जसअन्तर्गत कास्कीमा ३८३ जना, तनहुँमा ५४ जना, गोरखामा ९८ जना, लमजुङमा ३६ जना, नवलपुरमा ७४ जना र स्याङ्गजामा ३२ जना संक्रमित थपिएका छन ।
यस्तै पर्वतमा ६५ जना, बाग्लुङमा २०४ जना र म्याग्दीमा १०७ जना संक्रमित पुष्टि भएको जारी विज्ञप्तिमा जनाइएको छ । आज थपिएका संगै गण्डकीमा कोरोना संक्रमितको कूल संख्या ३३ हजार ११३ पुगेको छ ।
पछिल्लो २४ घण्टामा गण्डकीबाट एकैपटक १ हजार ३९६ जना संक्रमणमुक्त भएका छन् । योसंगै, गण्डकी प्रदेशमा संक्रमणमुक्त हुनेको संख्या २२ हजार ७९४ पुगेको छ ।
पछिल्लो २४ घण्टामा प्रदेशमा थप १९ जनाको मृत्यु भएको छ । आज मृत्यु हुनेमा कास्कीका नौ जना, तनहुँका तीन जना, स्याङ्गजाका दुई जना, नवलपुरका दुई जना र पर्वतका तीन जना छन ।
योसंगै, गण्डकीमा कोरोना संक्रमणका कारण मृत्यु हुनेको संख्या ४९३ पुगेको निर्देशनालयले जनाएको छ ।
प्रतिक्रिया