बुटवल । कोरोना रोकथामका लागि भन्दै आइपास नेपालले लुम्बिनी प्रदेशको स्वास्थ्य तथा जनसंख्या मन्त्रालयलाई विभिन्न स्वास्थ्य सुरक्षा सामाग्री प्रदान गरेको छ ।
जसमा स्वास्थयकर्मीका लागि पिपिई सेट ८० थान दिएको छ । यस्तै एक सय एमएलका १ सय थान ह्याण्ड सेनिटाइजर, ८ हजार थान सर्जिकल माक्स र ३ सय थान केएन ९५ माक्स हस्तान्तरण गरेको छ ।
उक्त सामाग्री आइपासका प्रदेश कार्यक्रम संयोजक जीवन देवकोटाले मन्त्री भोजप्रसाद श्रेष्ठलाई हस्तान्तरण गरेका हुन् । सुरक्षा सामाग्री लिदै मन्त्री श्रेष्ठले कोरोना रोकथाम र नियन्त्रणमा सरकारसंगै गैरसरकारी निकाय पनि लाग्नुपर्ने बताए ।
सुरक्षीत मातृत्व र प्रजनन् शिक्षामा कार्यरत आइपासले यसअघि पनि प्रदेश सरकारलाई सुरक्षा सामाग्री प्रदान गरेको थियो ।
प्रतिक्रिया