काठमाडाै । एमालेभित्र प्रधानमन्त्री ओलीको खरो आलोचककारुपमा चिनिएका नेपालपक्षका नेता योगेश भट्टराईले आज आफुले गरेको कार्य प्रति आफै चिन्ता प्रकट गरेका छन् ।
नेपालपक्षका २७ जना सांसदहरुले नयाँ सरकार गठनका लागि हस्ताक्षर गर्दा एक्लै हस्ताक्षर गर्न अस्विकार गरेका भट्टराईले आफूले आज शुक्रबार गरेको निर्णयप्रति गम्भीर चिन्ता प्रकट गरेका हुन् ।
आज माधव नेपाल पक्षको समेत समर्थनमा नेपाली कांग्रेसका सभापति शेरबहादुर देउवाले विपक्षी गठबन्धनबाट राष्ट्रपतिसमक्ष बहुमत दावी प्रस्तुत गरेकोमा नेता भट्टराईले हस्ताक्षर गरेका थिएनन् । यसका लागि नेपाल पक्षका अन्य सबै सांसदले हस्ताक्षर गरे पनि भट्टराईले हस्ताक्षर नगरेको बताइएको छ।
अहिले सम्म नेपालपक्षका हरेक निर्णय कार्यान्वयन गर्दै र त्यसको नेतृत्व समेत गर्दै आएका भट्टराईले आज पहिलो पटक समूहको निर्णय विपरित हस्ताक्षर नगरेको सन्दर्भमा सामाजिक सञ्जालमा आफूले सही निर्णय गरेँ कि गलत भन्दै चिन्ता प्रकट गरेका हुन्।
‘मेरो राजनीतिक जीवनकै सबैभन्दा कठिन दिन आज। नेकपा एमालेको एकतालाई जोगाउन सकिन्छ कि भन्ने आशाले मैले आजको निर्णय लिएको हुँ,’ उनले भनेका छन्, ‘सही गरेँ कि गलत गरेँ, इतिहासको कठोर मूल्यांकनमा खडा छु।’
नेता भट्टराई तीनै पूर्व मन्त्री हुन् जस्ले ओली प्रबृत्तीको विरोधमा मन्त्री पद सहज त्याग गरेर सडकमा आएका थिए ।
प्रतिक्रिया