बार्सिलोनाका कप्तान मेस्सी ला लिगाको अन्तिम खेल नखेल्ने

काठमाडौं । स्पेनिस क्लब बार्सिलोनाका कप्तान लियोनल मेस्सीले ला लिगाको जारी सिजनको अन्तिम खेल नखेल्ने भएका छन् ।

बार्सिलोनाले सिजनको अन्तिम खेलमा आइतबार इबरसँग खेल्नै लाग्दा मेस्सी भने उक्त खेलमा अनुपस्थित हुने भएका छन् । बार्सिलोनाले मेस्सीलाई अन्तिम खेलमा आरामको मौका दिएको हो ।

प्रशिक्षक कोम्यानसँगको सल्लाहमा मेस्सीले आज राति बार्सिलोनाको लागि नखेल्ने भएका क्लबले पुष्टि गरेको छ । मेस्सीले अर्को महिनादेखि सुरु हुने कोपा अमेरिकाको लागि आराम गर्ने भन्दै क्लबले मौका दिएको हो । कोपा अमेरिका जुन १३ देखि अर्जेन्टिनामा सुरु हुँदैछ ।

यस सिजन उपाधि होडबाट बाहिरिइसकेको बार्सिलोनाको शुक्रबारको टिम प्रशिक्षणमा समेत मेस्सी उपस्थित भएका थिएनन् । मेस्सी र बार्सिलोना बीचको सम्झौता समेत यस सिजनको अन्त्यसँगै सकिदैछ ।

https://twitter.com/FCBarcelona_es/status/1395667372619538439?s=20