एमाले वरिष्ठ नेता नेपालले भने संसद विघटन प्रतिगमन भाग २

खबर कुरा
८ जेष्ठ २०७८, शनिबार
                 

काठमाडौं । नेकपा एमालेका वरिष्ठ नेता माधवकुमार नेपालले संसद विघटन गर्ने प्रधानमन्त्री केपी ओली र राष्ट्रपति बिद्या भण्डारीको कदमलाई प्रतिगमन भाग २ भएको बताएका छन् । उनले आफ्नो फेसबुक एकाउण्टमा प्रतिक्रिया पोष्ट गर्दै फेरि पनि संसदको चीरहरण भएको टिप्पणी गरेका छन् ।

वरिष्ठ नेता नेपालले सितलनिवासबाट व्यवस्थामाथि नै कू गर्न खोजिएको टिप्पणी पनि गरेका छन् । ‘यो व्यवस्था नै कू गर्ने अग्रसरता हो ।’ नेपालले भनेका छन्, ‘शीतल निवासले संविधानको मर्मलाई कुठाराघात गरेको छ ।’

उनले षड्यन्त्रकारीहरूको उक्साहट र चाहनामा फेरि पनि संसद्को चीरहरण भएको भन्दै प्रतिगमन दोहोरिएको बताएका छन् ।’संविधानका मर्ममाथि प्रहार गर्दै सर्वसत्तावाद लाद्ने उद्देश्यले भएको कथित चुनावको उदघोष जालझेल हो ।’ नेता नेपालले लेखेका छन् ।

नेपालले प्रधानमन्त्री केपी ओलीको यो कदमको भर्त्सना गर्दै सबैलाई डटेर प्रतिवाद गर्न पनि आह्वान गरेका छन् ।

यसमा तपाइको मत

Your email address will not be published. Required fields are marked *


*