काठमाडौं । नेकपा एमालेले वरिष्ठ नेता झलनाथ खनाल र माधवकुमार नेपालसहित ११ जना सांसदलाई स्पष्टीकरण सोध्ने निर्णय गरेको छ ।
एमाले स्थायी कमिटीको आज बसेको बैठकले नेता नेपालसहितका सांसदहरुलाई पार्टी अनुशासन उल्लंघन गरेको विषयमा स्पष्टीकरण सोध्ने निर्णय गरेको हो ।
बैठकले आफ्नै पार्टीको अध्यक्षलाई प्रधानमन्त्री पदबाट हटाउन विपक्षी गठबन्धनका उम्मेदवारलाई सघाउन हस्ताक्षर गरेको अभियोगमा खनाल नेपालसहितका नेताहीमाथि कारवाही प्रक्रिया सुरु गर्नका लागि स्पष्टीकरण सोध्न लागेको हो ।
तर, सुरेन्द्र पाण्डे, घनश्याम भुसाल लगायतका नेतासँग भने यसपकटक स्पष्टिकरण मागिएको छैन । खनाल, नेपाल र रावलबाहेक स्पष्टिकरण सोधिएका अरु सबै समानुपातिक सांसदहरु हुन ।
एमालेले केहीदिन अघि मात्र नेपालसहितका नेताहरुमाथि गरेको ६ महिने निलम्बनको कारवाही फिर्ता लिएको थियो ।
प्रतिक्रिया