गण्डकी प्रदेशमा थपिए ९४६ जना नयाँ संक्रमित, १७ जनाको मृत्यु

पोखरा । आइतबार गण्डकी प्रदेशमा ९४६ जना कोराना भाइरस कोभिड-१९ का नयाँ संक्रमित थपिएका छन् ।

प्रदेश स्वास्थ्य निर्देशनालयले सार्वजनिक गरेको पछिल्लो २४ घण्टाको तथ्यांक अनुसार ९४६ जना नयाँ संक्रमित थपिएका हुन् ।

आज पुष्टि भएका संक्रमित प्रदेशका १० जिल्लाका छन् । जस अनुसार कास्कीका २९५ जना, तनहुँका ६१ जना, गोरखाका १७१ जना, लमजुङका ८ जना, नवलपुरका २५ जना र स्याङ्गजाका ९० जना रहेका छन ।

यस्तै, पर्वतका १८ जना, बाग्लुङका ९५ जना, म्याग्दीका १८१ जना र मुस्ताङ जिल्लाका दुई जनामा संक्रमण पुष्टि भएको जारी विज्ञप्तिमा जनाइएको छ । आज थपिएकासंगै गण्डकीमा कोरोना संक्रमितको कूल संख्या ३४ हजार ५८२ पुगेको छ ।

प्रदेशमा आज थप १७ जनाको मृत्यु भएको छ । आज मृत्यु हुनेमा कास्कीका चार जना, स्याङ्गजाका चार जना, तनहुँका एक जना, पर्वतका एक जना, गोरखाका दुई जना, लमजुङका एक जना, नवलपुरका एक जना र म्याग्दीका तीन जना रहेका छन ।

योसंगै गण्डकी प्रदेशमा हालसम्म कोरोना संक्रमणका कारण मृत्यु हुनेको संख्या ५३१ पुगेको निर्देशनालयले जनाएको छ ।