गण्डकी प्रदेशमा थपिए १७३३ जना नयाँ संक्रमित, ११८८ जना संक्रमण मुक्त

पोखरा । पछिल्लो २४ घण्टामा गण्डकी प्रदेशमा १ हजार ७३३ जनामा कोरोना संक्रमण पुष्टि भएको छ ।

प्रदेश स्वास्थ्य निर्देशनालयका अनुसार गण्डकी प्रदेशमा ३ हजार ३९९ जनामा गरिएको नमुना परीक्षणमा कोरोना पोजेटिभ देखिएको हो ।

आज पुष्टि भएका संक्रमित प्रदेशका १० जिल्लाका छन् । जसअन्तर्गत कास्कीका ४४५ जना, तनहुँका १७० जना, गोरखाका २१९ जना, लमजुङका ६५ जना, नवलपुरका १११ जना र स्याङ्गजाका ९५ जना छन् । यस्तै, पर्वतका ११९ जना, बाग्लुङका ४१६ जना र म्याग्दी जिल्लाका ९३ जनामा कोरोना पुष्टि भएको जारी विज्ञप्तिमा जनाइएको छ ।

आज थपिएकासंगै प्रदेशमा कोरोना संक्रमितको कूल संख्या ३९ हजार ६८७ पुगेको छ । पछिल्लो २४ घण्टामा गण्डकी प्रदेशमा १ हजार १८८ कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या २७ हजार ८२६ पुगेको छ ।

बिहीबार पनि प्रदेशमा थप १७ जनाको कोरोना संक्रमणका कारण मृत्यु पुष्टि भएको छ । मृत्यु हुनेमा कास्कीका छ जना, तनहुँका एक जना, नवलपुरका तीन जना, स्याङ्गजाका चार जना, पर्वतका दुई जना र म्याग्दीका एक जना छन् ।

आज मृत्यु भएकासंगै गण्डकी प्रदेशमा कोरोना संक्रमणका कारण मृत्यु हुनेको संख्या ५९४ पुगेको निर्देशनालयले जनाएको छ ।