काठमाडौं । जनता समाजपार्टीको उपेन्द्र यादव पक्षले पहिलो स्पष्टीकरणको जवाफ नदिएका पार्टी अध्यक्ष महन्थ ठाकुरलाई २४ घण्टाभित्र स्पष्टीकरण बुझाउन दोस्रो अल्टिमेटम दिएको छ ।
यसअघि स्पष्टीकरण दिन भन्दै पत्राचार भएकोमा ठाकुरले एलटो यादवलाई स्पष्टीकरण सोधेका थिए । पहिलो स्पष्टीकरण प्राप्त नभएपछि यादव पक्षले दोस्रो पटक २४ घण्टाको अल्टिमेटम दिँदै स्पष्टीकरण पत्र पठाइएको हो ।
२४ घण्टाभित्र चित्तबुझ्दो जवाफ नआए राजनीतिक दलसम्बन्धी ऐन, २०७३ र जनता समाजवादी पार्टी नेपालको अन्तरिम विधानको ६४(५) अर्थात हाल संशोधित धारा ६९(५), ५०(१) र जेठ ८ मा भएको निर्णयको बुँदा नम्बर ४ बमोजिम निष्काशन समेतको कारबाही हुने केन्द्रीय कार्यालयका प्रमुख प्रकाश अधिकारीद्वारा हस्ताक्षरित पत्रमा चेतावनी दिइएको छ ।
ठाकुरले पार्टी विधान तथा राजनीतिक दल सम्बन्धी ऐन, २०७३ को दफा १८(३), २५(१),(२) र पार्टी विधानको दफा ४९ को १,२,३,५ र ८ का साथै दफा ५० को १ विपरित काम गरेको आरोप लगाइएको छ । सोही आरोपमा यादव समूहले जेठ ११ गते ठाकुरलाई स्पष्टीकरण सोधेपनि ठाकुरले जवाफ दिएका छैनन् ।
यादव पक्षले केन्द्रीय कार्यकारिणी समितिको बहुमत सदस्यहरुको उपस्थितीमा बैठकबाट निर्णय गराएर वरिष्ठ नेता राजेन्द्र महतो, कार्यकारिणी सदस्य लक्ष्मणलाल कर्ण र सर्वेन्द्रनाथ शुक्लालाई पनि तीन दिनभित्र स्पष्टिकरण दिन पत्र पठाएको थियो । तीन दिनको दिनको म्याद सकिए पनि अध्यक्ष ठाकुरबाट कुनै प्रतिकृया नआएपछि बाध्य भएर २४ घण्टे स्पष्टीकरण सोधिएको अध्यक्ष उपेन्द्र यादवले बताएका छन् । ठाकुर सहित अन्य तीनजना नेतालाई पनि २४ घण्टै पत्र पठाईएको छ
पार्टी विधि र पद्धतिमा चल्नुपर्ने भन्दै उनले पार्टीको अनुशासन उल्लघंन गर्नेलाई पार्टीको विधानअनुसार कारवाही हुने बताए ।
प्रतिक्रिया