काठमाडौं । राष्ट्रपति विद्यादेवी भण्डारीले बजेटसम्बद्ध तीन वटा अध्यादेश जारी गरेकी छिन् ।
आज बिहान बसेको मन्त्रिपरिषद् बैठकले आर्थिक अध्यादेश २०७८, विनियोजन अध्यादेश २०७८ र राष्ट्र ऋण उठाउने अध्यादेश २०७८ जारी गर्न राष्ट्रपतिलाई सिफारिस गरेको थियो ।
अब राष्ट्रपतिले अध्यादेश जारी गरेसँगै अर्थमन्त्री विष्णु पौडेलले आर्थिकवर्ष २०७८/७९को बजेट सार्वजनिक गर्दैछन् ।
केही दिनअघि मात्र संसद विघटन गरेको सरकारले अध्यादेशमार्फत बजेट ल्याउन लागेको हो ।
पूर्वअर्थमन्त्री एवं अर्थविद्हरुले जनप्रतिनिधिमुलक संस्था नभएको बेलामा करमा हेरफेर हुने गरी पूर्ण बजेट ल्याउन नहुने बताइरहेको बेला सरकारले भने सवा १६ खर्ब को पूर्ण बजेट अध्यादेशमार्फत ल्याउन लागेको हो ।
प्रतिक्रिया