विराटनगर । प्रदेश १ को बजेट अधिवेशन यही जेठ २४ गतेबाट बस्ने भएको छ ।
बिहीबार बिहान बसेको प्रदेश १ मन्त्रिपरिषद बैठकले २४ गतेबाट बजेट अधिवेशन बोलाउन प्रदेशप्रमुखलाई सिफारिस गरेको छ ।
जेठ २४ गते दिउँसो २ बजे बैठक बस्नेगरी अधिवेशन अधिवेशन आह्वान गर्न मन्त्रिपरिषद्ले सिफारिस गरेको हो ।
विपक्षी दलहरुले सरकारले अधिवेशन छलेर अध्यादेशबाट बजेट ल्याउन लागेको भन्दै विरोध गरेका थिए । केही दिन अघि बसेको सर्वदलीय बैठकमा भने मुख्यमन्त्री शेरधन राईले बजेट अधिवेशन बोलाउने प्रतिवद्धता जनाएका छन् । तर, बुधबार बसेको मन्त्रिपरिषद बैठकले बजेटअघिको प्रिबजेट छलफल छल्ने गरी अध्यादेश ल्याउने निर्णय गरेको थियो ।
प्रदेशहरुमा असार १ गते बजेट ल्याउने प्रचलन रहेको छ ।
प्रतिक्रिया