धनगढी । कैलालीमा कालो ढुसीको संक्रमणबाट एक व्यक्तिको मृत्यु भएको छ ।
धनगढीस्थित सेती प्रादेशिक अस्पतालमा उपचाररत एक म्युकोमाइकोसिस (कालो ढुसी) सङक्रमितको मृत्यु भएको हो ।
अस्पतालमा उपचाररत कैलालीको बर्दगोरियाकाका ६५ वर्षीय पुरुषको म्युकोमाइकोसिस (कालो ढुसी) का कारण बिहीबार बिहान ७ बजे मृत्यु भएको अस्पतालका सूचना अधिकारी दिलीपकुमार श्रेष्ठले जानकारी दिएका छन्।
लक्षण देखिएपछि ‘बायोप्सी’ परीक्षण गर्दा बुधबार मात्रै उनमा कालो ढुसी पुष्टि भएको थियो । मिर्गौला, मधुमेह र मुटु रोगबाट ग्रसित ती पुरुष यही जेठ १७ गते अस्पताल भर्ना भएका थिए ।
ती पुरुषको कोरोना रिपोर्ट भने नेगोटिभ आएको थियो । जेठ १८ गते उनको पीसीआर परीक्षण भएको थियो । तर, ओठ वरिपरि कालो दाग देखा पर्न थालेपछि उनको बायोप्सीमार्फत परीक्षण गरिएको थियो ।
प्रतिक्रिया