जापान ओलम्पिकमा २९ शरणार्थी खेलाडी

खबर कुरा
२६ जेष्ठ २०७८, बुधबार

एजेन्सी । यसपटकको जापान ओलम्पिक खेलकुदमा शरणार्थी खेलाडीको उल्लेख्य सहभागिता हुने भएको छ । जापानको टोकियोमा आयोजना हुने ओलम्पिक खेलकुदमा २९ शरणार्थी खेलाडीले प्रतिस्पर्धा गर्ने भएका छन् ।

टोकियो ओलम्पिकमा विभिन्न १२ खेलमा २९ शरणार्थी खेलाडीले प्रतिस्पर्धा गर्ने अन्तर्राष्ट्रिय ओलम्पिक कमिटीले जनाएको छ ।

ओलम्पिकको झन्डामुनि रहेर उनीहरुले प्रतिस्पर्धा गर्नेछन् । शरणार्थी खेलाडीहरु सिरिया, इरान, दक्षिण सुडान, अफगानिस्तान र इरिट्रियाका रहेका छन् ।

यसअघि सन् २०१६ मा ब्राजिलमा आयोजना भएको रियो ओलम्पिकमा पनि १० शरणार्थी खेलाडीले प्रतिस्पर्धा गरेका थिए । टोकियो ओलम्पिक जुलाई २३ देखि अगस्ट ८ सम्म हुनेछ । औपचारिक उद्घाटन भने जुलाई २३ मा हुनेछ ।

तर, विभिन्न खेलको प्रतिस्पर्धा जुलाई २१ देखि नै सुरु हुनेछ । जसमा फुटबल र बेसबल रहेका छन् ।

यसमा तपाइको मत

Your email address will not be published. Required fields are marked *


*