काठमाडौं । भारतीय सेनाले नेपाली सेनालाई पुनः स्वास्थ्य सामाग्री सहयोग गरेको छ ।
सैनिक मुख्यालयमा आयोजिक एक कार्यक्रमका बीच नेपालका लागि भारतीय राजदूत विनयमोहन क्वत्राले ती स्वास्थ्य सामग्री हस्तान्तरण गरेका छन् ।
प्रधानसेनापति पूर्णचन्द्रलाई हस्तान्तरण गरिएका ती स्वास्थ्य सामग्रीमा भेन्टिलेटर, आईसीयू बेड, पीपीई सेट, एम्बुलेन्स लगायतका रहेको नेपाली सेनाले जनाएको छ ।
कोरोना महामारीको प्रतिकार्यमा सहयोग पुर्याउने उद्देश्यले भारतीय सेनाले नेपाली सेनालाई स्वास्थ्य सामग्री सहयोग गरेको हो ।
त्यसअवसरमा प्रधानसेनापति थापाले भारतीय राजदूतलाई सहयोगका लागि आभार तथा धन्यवाद प्रकट गरेका थिए । भारतीय सेनाले यसअघि नेपाली सेनालाई एकलाख डोज कोभिसिल्ड खोप सहयोग गरेको थियो ।
प्रतिक्रिया