नेपालगन्ज । चार महिनादेखि तलब नपाएको भन्दै बाँकेको कोहलपुरस्थित नेपालगञ्ज मेडिकल कलेजका कर्मचारीहरु आन्दोलनमा उत्रिएका छन् । सोमबार बिहानेखि आन्दोलनमा उत्रिएका उनीहरुले नियमित तलब, कोभिडको जोखिम भत्ता पाउनु पर्ने लगायतको माग छन् ।
फागुन देखि तलब भत्ता नपाएपछि आन्दोलित हुनुपरेको नेपालगञ्ज मेडिकल कलेजको नेपाल कर्मचारी संगठनका अध्यक्ष कुश्माखर बस्यालले बताए । अस्पतालको नियमित काममा असर नपर्ने गरि अहिले सांकेतिक आन्दोलन गरिएको बताउउँदै अध्यक्ष बस्यालले माग पूरा नभए चरणबद्ध आन्दोलनमा जाने चेतावनी दिए ।
बस्यालका अनुसार कोभिडको समयमा काम गरेका डाक्टर, स्वास्थ्यकर्मी, सफाइकर्मी लगायतले तलब पाएका छैनन् । कोरोना महामारीका बेला बिदा समेत नदिएर काम लगाएपनि व्यवस्थापन पक्षले अहिले तलब भत्ता नदिएको आन्दोलिक कर्मचारीहरुको गुनासो छ ।
आन्दोलनका सम्बन्धमा जानकारी लिन अस्पतालको व्यवस्थापन हेरिरहेका मेडिकल कलेजका उप निर्देशक डा. नितेश कुमार कनोडियालाई सम्पर्क गर्दा उनको मोबाईल उठेन ।
प्रतिक्रिया