बुटवल । लुम्बिनी प्रदेश सरकारले आगामी आर्थिक वर्षमा ‘कोभिड फर्स्ट’ नीति लिने भएको छ। आर्थिक वर्ष २०७८र७९ का लागि प्रदेश सभामा बजेट प्रस्तुत गर्दै आर्थिक मामिला तथा योजनामन्त्री वैजनाथ चौधरीले आगामी वर्षमा’कोभिड फर्स्ट’नीति लिने गरि बजेट बिनियोजन गरेको बताएका छन् । उनले कोरोना संक्रमितहरूको निशुल्क उपचार हुने र कोरोनाका बिरामीलाई प्राथमिकता दिन ‘कोभिड फर्स्ट’ नीति लिइने बताए।
उनले कोभिड संक्रमितको उपचारका लागि ४ निजी मेडिकल कलेजसँग समन्वय गरिने समेत बजेट वक्तव्यमा उल्लेख छ। भैरहवाको युनिभर्सल मेडिकल कलेज, लुम्बिनी मेडिकल कलेज, नेपालगञ्ज मेडिकल कलेज र देवदह मेडिकल कलेजसँग समन्वय गरी जटिल प्रकृतिका बिरामीको पनि उपचार गरिने मन्त्री चौधरीले जानकारी दिए ।
आगामी आर्थिक वर्षमा सरकारले कोभिड संक्रमितको उचपारमा खटिने स्वास्थ्यकर्मीहरूलाई ५० प्रतिशत भत्ता उपलब्ध गराइनेसमेत उल्लेख गरिएको छ।
प्रतिक्रिया