काठमाडौं । कोपा अमेरिकाअन्तर्गत आज बिहान सम्पन्न खेलमा कोलम्बिया भेनेजुएलासँग बराबरीमा रोकिएको छ ।
स्टेडियो ओलम्पिको पेड्रो लुडोभिकोमा सम्पन्न समूह ’ए’ को खेलमा कोलम्बिया र भेनेजुएलाले गोलरहित बराबरी खेलेका हुन् ।
खेल आफ्नो नियन्त्रणमा राख्दै पूरा समय भेनेजुएलामाथि दवाब बनाए पनि कोलम्बियाले गोल गर्न भने सकेन । खेलको अन्तिम समयमा कोलम्बियाका लुइस डियाज रेड कार्ड खाँदै बाहिरिएका थिए ।
आफ्नो पहिलो खेलमा इक्वेडरमाथि जित हात पारेको कोलम्बियाको २ खेलबाट ४ अंक पुगेको छ भने प्रतियोगिताको उद्घाटन खेलमा आयोजक ब्राजिलसँग पराजित भेनेजुएलाको १ अंकमात्र छ ।
प्रतियोगितमा ५/५ टिमको दुई समूह बनाइएको छ । दुबै समूहका शीर्ष चार टोलीले प्रतियोगिताको क्वाटरफाइनल खेल्ने छन् ।
प्रतिक्रिया