काठमाडौं । नेपाली कांग्रेसको आज १ बजेका लागि बोलाईएको केन्द्रीय समिति बैठक ३ बजेपछि सुरु भएको छ । कांग्रेसको १४ औं महाधिवेशनको संशोधित कार्यतालिका अनुमोदन गर्न बैठक बसेको बसेको हो ।
यस अघि भादौ ९ देखि १२ गते महाधिवेश गर्ने तय भएको मितिलाई कांग्रेसले भदौ १६ देखि १९ गतेसम्म काठमाडौंमा महाधिवेशन गर्ने गरी आन्तरिक कार्यतालिका परिमार्जन गरेको छ ।
आज बसेको बैठकमा महामन्त्री पूर्ण बहादुर खड्काले महाधिवेशको संशोधित कार्यतालिका प्रस्ताव गरेका थिए । संशोधित कार्यतालिका अनुसार साउन १२ गते वडा अधिवेशन, साउन १६ मा गाउँरनगर अधिवेशन र साउन २० गते प्रदेश क्षेत्रीय अधिवेशन गर्ने प्रस्ताव गरिएको छ ।
त्यस्तै प्रतिनिधिसभा क्षेत्रीय अधिवेशन र एक मात्र प्रतिनिधिसभा निर्वाचन क्षेत्र भएको जिल्लाको अधिवेशन साउन २३ गते हुने संशोधित कार्यतालिकामा उल्लेख गरिएको छ ।
संशोधित तालिकामा दुईभन्दा बढी निर्वाचन क्षेत्र भएका जिल्लाको अधिवेशन साउन २६ र प्रदेश अधिवेशन भदौ १ र २ गते हुने प्रस्ताव गरिएको छ । अधिवेशनको मिति तय भएपनि कांग्रेसको क्रियाशिल सदस्यताको भने अझै टुङ्गो लाग्न सकेको छैन । संशोधित तालिकामा क्रियाशील सदस्यता टुंग्याउन असार मसान्तसम्मको समय प्रस्ताव गरिएको छ ।
प्रतिक्रिया