१६ चैत्र २०८०, शुक्रबार | March 29, 2024

जसपा यादव पक्षको आरोप : नक्कली बैठक पुस्तिका बनाएर महन्थ ठाकुरले दण्डनीय कार्य गरे



काठमाडौं । जनता समाजवादी पार्टीले कार्यकारिणी हेरफेर तथा पुनर्गठन गर्ने अधिकार महन्थ ठाकुरले कहिल्यै नपाएको स्पष्ट पारेको छ ।

जसपा प्रचार विभाग प्रमुख डम्बर खतिवडाले शनिबार एक विज्ञप्ति प्रकाशित गर्दै हुँदै नभएको निर्णय भनि महन्थ ठाकुर पक्षले निर्वाचन आयोगमा पत्र दर्ता गराएकोमा आपत्ति जनाएका छन् ।

गत पुष ७ गते बसेको कार्यकारिणी बैठकको निर्णय दुवै अध्यक्षको संयुक्त हस्ताक्षरद्वारा सार्वजनिक गरिसकिएको जनाउँदै विज्ञप्तिमा सो बैठकमा कार्यकारिणी हेरफेर तथा पनुर्गठन गर्ने अधिकार महन्थ ठाकुरलाई दिने कार्यसूची नभएको र कुनै निर्णय समेत नभएको जनाएको छ ।
विज्ञप्तिमा भनिएको छ, ‘हुँदै नभएको निर्णयलाई निर्णय भएको भनि २०७८-०३-०१ गते झुठा विवरण लेखि कीर्ते, जालसाझी गरी निर्णय भएको भनि महन्थ ठाकुरले निर्वाचन आयोगमा पत्र दर्ता गराएका छन् । निर्वाचन आयोग, पार्टी पंक्ति र आम जनतालाई गमुराह गर्ने उद्देश्यले यस्ता नक्कली बैठक पुस्तिका तयार गरी गरिएको कार्य अनैतिक, गैरकानूनी तथा दण्डनीय हो ।’

निर्णय नै नभएको विषयलाई निर्णय भनि गरिएको कार्यप्रति खेद व्यक्त गर्दै विज्ञप्तिमा झुठा विवरणद्वारा फैलाइएको भ्रममा नपर्नुहुन र सजग रहन पार्टी पंक्त र जनसमुदायलाई आग्रह गरिएको छ ।

ठाकुर पक्षले अध्यक्ष ठाकुरलाई पुष ५ गतेको कार्यकारिणी बैठकले कार्यकारिणी र पदाधिकारी हेरफेरको एकल अधिकार दिएको दाबी गर्दै आफ् निकट नेताहरुलाई कार्यकारिणीमा थप गरेका थिए । कार्यकारिणीमा आफ्ना मान्छे थपगरेसँगै ठाकुरले त्यसलाई विवरण अद्यावधिक गर्न यही असार १ गते निर्वाचन आयोगलाई पत्राचार गरेका थिए ।

व्यहारिक रुपमा फुटिसकेको जसपाको विवाद निर्वाचन आयोगमा पुगेको छ । आयोगले यसअघि जसपाका दुवै पक्षले गरेको कारवाहीलाई अस्वीकार गर्दै साविककै पदाधिकारी कायम रहेको निर्णय गरेपछि यादव पक्षले शुक्रबार आधिकारिकतामा दाबी गर्दै बहुमत कार्यकारिणी सदस्यको हस्ताक्षरसहित अर्को निवेदन दर्ता गरेको छ ।

प्रकाशित मिति : ५ असार २०७८, शनिबार  ६ : ०१ बजे

कोहलपुर–सुर्खेत प्रसारण लाइनः रूख कटान प्रक्रिया सुरु

सुर्खेत । कर्णालीको विद्युतीकरणका लागि क्रान्ति ल्याउने उद्देश्यले निर्माण कार्य

दुर्गा प्रसाईंको हतियारको इजाजतपत्र र नवीकरण बारे छानबिन गर्न समिति गठन

काठमाडौँ । गृहमन्त्रालयले  दुर्गा प्रसाईंको नाममा रहेको हतियारको इजाजतपत्र र

जलवायु परिवर्तनको सबैभन्दा बढी असर जलस्रोतमा परेको छ : मन्त्री बस्नेत

काठमाडौं । ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनको

सुनको मूल्यले बनायो अहिले सम्मकै नयाँ रेकर्ड

काठमाडौं । नेपाली बजारमा सुनको भाउले शुक्रबार अहिले सम्मकै नयाँ रेकर्ड

चीनको ‘जीडीआई’बाट नेपालले पनि लाभ लिनसक्छ : एमाले उपाध्यक्ष पौडेल

काठमाडौं । नेपाल कम्युनिष्ट पार्टी (एमाले) का उपाध्यक्ष विष्णुप्रसाद पौडेलले