काठमाडौं । गृहमन्त्री खगराज अधिकारीले सातै प्रदेशका आन्तरिक मामिला मन्त्रीहरुसँग छलफल गरेकाछन् ।
सिंहदरबारमा जारी बैठकमा विपद् व्यवस्थापन र निर्वाचन सुरक्षाबारे छलफल भएको छ । गृहमन्त्री अधिकारीले प्रदेशका मन्त्रीहरूसँग यस विषयमा राय मागेका छन्
मनसुन सुरूभएसँगै देशभर बाढीपहिरोको प्रकोप बढेको छ । सिन्धुपाल्चोकको मेलम्ची, मनाङ लगायतका स्थानमा बाढीपहिरोको प्रकोपले जनधनको क्षति गरेको छ भने तराईका जिल्लामा डुवान र कटान बढ्दो छ ।
गृहमन्त्री अधिकारीले कार्तिक-मंसिरमा घोषणा गरिएको निर्वाचन सुरक्षाको विषयमा आन्तरिक मामिलामन्त्रीहरूको सुझाव मागेका छन् । तर एमालेको नेतृत्व भन्दा अलग रहेका प्रदेश २, गण्डकी, कर्णाली र सुदुरपश्चिमका मन्त्रीहरूले भने चुनाव हुने बिषय नै सन्देहमा रहेको बताएका छन् । प्रतिनिधिसभा विघटन विरूद्ध सर्वोच्च अदालतमा मुद्धा विचाराधीन छ ।
बैठकमा सशस्त्र प्रहरी प्रमुख शैलेन्द्र खनाल, नेपाल प्रहरी प्रमुख शैलेश थापा क्षेत्री र राष्ट्रिय अनुसन्धान विभागका प्रमुख गणेश अधिकारी पनि सहभागी छन् ।
शुक्रवार राष्ट्रपति विद्यादेवी भण्डारीले शितल निवासमा बोलाएर गृहमन्त्री अधिकारी र ३ सुरक्षा निकायका प्रमुखसँग छलफल गरेकी थिइन् ।
प्रतिक्रिया