काठमाडौं । यसै हप्ता आएको भिषण बर्षाको कारण उत्पन्न वाढीले सिन्धुपाल्चोक जिल्लाको मेलम्ची तथा हेलम्वु र मनाङ जिल्लामा घरवारबिहीन हुन पुगेका स्थानियबासीलाई नेपाल चेम्वर अफ कमर्सले आपतकालिन राहत सामाग्री पठाएको छ । सिन्धुपाल्चोक तथा मनाङ जिल्लाका बाढी पिडितहरुको लागि नेपाल चेम्वर अफ कमर्सले तत्कालिन राहत सामाग्रीको रुपमा त्रिपाल, चामल नून,चिउरा, मस्यौरा तथा दाल पठाएको हो ।
चेम्बर अफ कमर्सको राहत सामाग्री अध्यक्ष राजेन्द्र मल्लले मनाङको लागि काठमाण्डौ स्थित मनाङ समाज सेवा समितिका कोषाध्यक्ष श्री चुयुङ गुरुङ र हेलम्वु तथा मेलम्चीका वाढपिडितका लागि सिन्धुपाल्चोक चेम्वर अफ कमर्सका अध्यक्ष भक्तलाल श्रेष्ठलाइ हस्तान्तरण गरेका थिए ।
रहात सामग्री हस्तान्तरण गर्दै अध्यक्ष मल्लले बाढीबाट बेघरबार हुनुपरेका स्थानीयबासीको पिडामा गहिरो दुख व्यक्त गरे । बाढिमा परी असामयीक निधन भएकाहरु प्रति श्रद्धान्जली व्यक्त गर्दै अध्यक्ष मल्लले शोक सन्तप्त परिवारजन प्रति गहिरो समवेदना समेत व्यक्त गरे ।
उक्त अवसरमा नेपाल चेम्बर अफ कमर्सका बरिष्ठ उपाध्यक्ष कमलेश कुमार अग्रवाल उपाध्यक्ष द्धय दीपक कुमार मल्होत्रा तथा सुरेन्द्र कुमार श्रेष्ठको उपस्थिति रहेको थियो ।
प्रतिक्रिया