काठमाडौं । सरकारले आन्तरिक हवाई उडान असार १७ गतेबाट सुरु गर्ने निर्णय गरेको छ ।
आन्तरिक र बाह्य हवाई उडान खोल्ने मन्त्रिपरिषद्को निर्णयपछि संस्कृति, पर्यटन तथा नागरिक उड्डयन मन्त्रालयले आन्तरिक हवाई उडान नियमित सुचारु गर्ने निर्णय गरेको हो ।
जुलाई १ अर्थात असार १७ गतेबाट ५० प्रतिशत अकुपेन्सीमा उडान गर्ने मन्त्रालयले जनाएको छ । मन्त्रालयका अनुसार यसको व्यवस्थापन नेपाल नागरिक उड्डयन प्राधिकरणले गर्नेछ । उडान संचालन हुनेभएपछि वायुसेवा कम्पनीले कर्मचारीहरुलाई काममा फर्काउन थालेको छ ।
मन्त्रिपरिषद्ले बाह्य अन्तराष्ट्रिय उडान भने बिहीबारबाटै सुरु गरेको छ । जुन ३० तारिकसम्मका लागि उडान तालिका सार्वजनिक भएको छ ।
प्रतिक्रिया