विपक्षी गठबन्धन आजबाट सडक संघर्षमा, संघर्षका कार्यक्रम बनाउन कार्यदल गठनकाठमाडौं । पाँच विपक्षी गठबन्धन आजबाट सरकारको विरुद्ध सडक प्रदर्शनमा जाने भएको छ ।
बहुमत सांसदको हस्ताक्षर पुग्दा पनि राष्ट्रपतिले प्रधानमन्त्री शेरबहादुर देउवालाई प्रधानमन्त्री नबनाएर केपी ओलीलाई नै निरन्तरता दिँदै प्रतिनिधिसभा विघटन गरेपछि विपक्षी दलहरु गठबन्धन बनाएर आन्दोलनमा छन् । प्रधानमन्त्रीले एकपछि अर्को असंवैधानिक र स्वेच्छाचारी कदम चालेको भन्दै विपक्षी दलहरु
प्रतिनिधिसभा विघटन गरेलगत्तै कानूनी र सडक संघर्ष गर्ने घोषणा गरेका दलहरुले कोरोना नियन्त्रणका लागि लगाईंदै आएको निषेधाज्ञामा छुट गरिएसँगै सडक प्रदर्शनमा उत्रिने भएका हुन् । बुधबार साँझ बसेको गठबन्धनको बैठकले सरकारको विरुद्ध सडक संघर्षमा उत्रिने निस्कर्ष निकालेको थियो । कोरोना संक्रमण र प्राकृतिक विपत्ति समेत कम भएपछि सडक संघर्षमा उत्रिने निर्णय गरिएको गठबन्धनका नेताहरुले बताएका छन् ।
संघर्षका कार्यक्रम बनाउन कांग्रेसका पूर्णबहादुर खड्का, माओवादीका देव गुरुङ, एमालेका भीम रावल, जसपाका राजेन्द्र श्रेष्ठ सम्मिलित कार्यदल बनाइएको छ ।
गठबन्धनकै निर्णयअनुसार आज सरकार विरूद्ध ५ विद्यार्थी संगठन सडकमा उत्रिने भएका छन् । गठबन्धनका दल निकट विद्यार्थी संगठनहरुले आज दिउँसो ३ बजे देशभर सरकारको असंवैधानिक कदमका विरुद्ध प्रदर्शन गर्ने जनाएका छन् । भौतिक दूरी कायम राखेर कम उपस्थितिमा प्रभावकारी प्रदर्शन गर्ने उनीहरुले बताएका छन् ।
प्रतिक्रिया