काठमाडौं । सर्वोच्च अदालतको फैसलापछि पाँच दलीय गठबन्धनको बैठक सुरुभएको छ ।
कोटेश्वरस्थित वन पैदावार महासंघको कार्यालयमा गठबन्धनको बैठक सुरु भएको हो । बैठकमा नेपाली कांग्रेस, माओवादी केन्द्र, जनता समाजवादी पार्टी जसपा, एमालेका माधव नेपाल र राष्ट्रिय जनमोर्चाका नेताहरु सहभागी भएका छन् ।
कांग्रेसको तर्फबाट सभापति शेरबहादुर देउवासहित वरिष्ठ नेता रामचन्द्र पौडेल, पूर्णबहादुर खड्का, बालकृष्ण खाँड रहेका छन् । यसैगरी माओवादी केन्द्रको तर्फबाट अध्यक्ष पुष्पकमल दाहाल प्रचण्ड, नेता नाारयणकाजी श्रेष्ठ, वर्षमान पुन रहेका छन् । जसपाका अध्यक्ष उपेन्द्र यादव, बाबुराम भट्टराई, महेन्द्र राय यादव सहभागी छन् भने एमाले नेपाल पक्षको तर्फबाट माधवकुमार नेपाल र राष्ट्रिय जनमोर्चाको तर्फबाट उपाध्यक्ष दुर्गा पौडेल सहभागी रहेका छन् ।
सर्वोच्च अदालतको फैसलापछि अबको रणनीति कसरीअघि बढाउने भन्ने विषयमा गठबन्धनले छलफल गर्न लागेको हो । गठबन्धनका नेता एवं कांग्रेस सभापति शेरबहादुर देउवालाई प्रधानमन्त्रीमा २८ घण्टाभित्र नियुक्त गर्न सर्वोच्च अदालतले राष्ट्रपतिका नाममा परमादेश जारी गरेपछि गठबन्धन उत्साहित भएको छ ।
बैठकमा एमाले नेता माधवकुमार नेपालको पनि सहभागिता भएपछि गठबन्धनका अन्य दलहरुले खुशी व्यक्त गरेका छन् ।
प्रतिक्रिया