काठमाडौं । प्रतिनिधिसभा विघटनविरुद्ध परेको रिटमाथि आज पनि संवैधानिक इजलासमा बहस जारी छ ।
शेरबहादुर देउवासहित १४६ सांसदले दायर गरेको रिटमाथि निरन्तर बहसको क्रममा दोस्रो दिनको बहस सुरु भएको छ।
आज पनि रिट निवेदकका तर्फबाट वरिष्ठ अधिवक्ता रमणकुमार श्रेष्ठसहितका अधिवक्ताहरुले बहस गर्दैछन् । बुधबार वरिष्ठ अधिवत्ता शम्भु थापा, वरिष्ठ अधिवक्ता महादेव यादव, बद्रीबहादुर कार्की, गोविन्द बन्दी र खम्बबहादुर खातीले बहस गरेका थिए ।
सुरुमा १२ घण्टाको समय पाएका रिट निवेदक पक्षले भोलिसम्म बहस सक्ने योजना बनाएका छन् । हिजो बहस गर्नेहरुले १४९ जना सांसदको हस्ताक्षरसहित धारा ७६ को ५ अनुसार दाबी पेश गर्दा पनि राष्ट्रपतिले अस्वीकार गरेर असंवैधानिक काम गरेको जिकिर गरेका थिए ।
उनीहरुले राष्ट्रपतिलाई प्रतिनिधिसभाभित्र हुने फ्लोर टेस्ट गर्ने अधिकार नभएको जिकिर गर्दै एमाले वा माओवादीका तत्तले सांसदले भोट हाल्न नपाउने भन्ने तपाईं को भन्दै राष्ट्रपतिलाई प्रश्न गरेका थिए ।
रिट निवेदकका तर्फबाट बहस सकिएपछि विपक्षी सरकार पक्षका कानून व्यवसायीहरुले १५ प्रतिरक्षा बहस गर्नेछन् । विपक्षीका तर्फबाट सभामुख अग्निप्रसाद सापकोटाका वकिलहरुले पनि बहस गर्नेछन् । विपक्षीको बहस सकिएपछि पुनः रिट निवेदक पक्षका वकिलहरुले थप ३ घण्टा बहस गर्नेछन् भने एमीकस क्यूरीका चार जनाले २ घण्टा बहस गर्नेछन् ।
कानुन व्यवसायीले वकालातनामा दर्ता गराएका छन्।
प्रतिक्रिया