काठमाडौं । नेकपा (माओवादी केन्द्र) छाडेर नेकपा (एमाले)मा गएका १४ जना जनप्रतिनिधि पदमुक्त भएका छन ।
शुक्रबार निर्वाचन आयोगले सूचना प्रकाशित गरी उनीहरूको पद रिक्त भएको जनाएको छ । माओवादी छाडेर एमालेमा गएका दुई जना मेयर, पाँच जना उपमेयरसहित १४ जनप्रतिनिधिलाई माओवादीले हटाएको थियो ।
माओवादी केन्द्रको असार ७ गते बसेको केन्द्रीय समितिको बैठकले उनीहरुलाई पार्टीबाट निष्कासन गरेको औपचारिक निर्णय गरी त्यसको जानकारी निर्वाचन आयोगलाई गराएको थियो । आयोगले माओवादीको सिफारिशमा उनीहरूको पद रिक्त भएको आज सूचना जारी गरेको हो ।
माओवादीले हटाएका जनप्रतिनिधिमा रौतहट मौलापुर नगरपालिकाकी मेयर रीनाकुमारी साह र रौतहटकै कटहरिया नगरपालिकाका मेयर सियारामप्रसाद कुशवाहाको रहेका छन ।
त्यस्तै, रौतहटकै देवाही गोनाही नगरपालिकाकी उपप्रमुख परनिया देवी, मौलापुर नगरपालिकाका उपप्रमुख गौरीशंकर प्रसाद, फतुवाविजयपुर नगरपालिकाकी उपप्रमुख कान्ति देवी, माधवनारायण नगरपालिकाकी उपप्रमुख सिमलकुमारी साह र कैलाली भजनी नपाकी उपप्रमुख छायाँदेवी देवकोटालाई पनि हटाइएको छ ।
हटाइएका १४ जनप्रतिनिधि :
प्रतिक्रिया